Корупциски скандал во втората привремена влада на бугарскиот претседател Румен Радев

Бугарската комисија за борба против корупцијата и одземањето на незаконски имот ги доставила до обвинителството сите материјали од увидот извршен во Министерството за здравство на Бугарија. Предмет на инспекција на Комисијата за спротивставување на корупцијата беше договорот за набавка на брзи антигенски тестови за ученици во Бугарија. Од увидот се пронајдени податоци за сторени кривични дела корупција.

Во основата на инспекцијата на бугарската антикорупциска комисија е министерот за здравство Стојчо Кацаров. Тој беше избран и именуван за министер во двете привремени влади на прорускиот бугарски претседател Румен Радев. Истрагата за трансакцијата со антигенските тестови започна на 9 декември минатата година по медиумските извештаи и објави за сериозни неправилности во изборот на изведувачи од тимот на министерот Стојчо Кацаров. Разрешениот на истекот на мандатот на техничката влада заменик-министер за здравство Димитар Петров се огласи и со обвинувања за неправилности во постапката за набавка.

Во текот на увидот побарани се документи од Министерството за образование и Министерството за здравство и сослушани се сите учесници во постапките. Антикорупциската комисија констатирала дека се толерирале одредени комерцијални фирми и доцнат одредени испораки поради што одредени фирми имале корист и тоа довело до нарушување на буџетот на Министерството за здравство.

Споделете ја оваа статија: