За последните пет години, најкреативните и најиновативните проекти изработени од млади Европејци беа почестени со годишната младинска награда Карло Велики (CYP). Наградата, организирана од Европскиот парламент и Меѓународната награда Карло Велики од Ахен, има за цел да го поттикне развојот на европската интеграција, заедничкиот европски идентитет и да послужи како инспирација за младите луѓе што живеат низ цела Европа. Наградите за најдобрите проекти се движат помеѓу 2,000 и 5,000 евра.

Изданието од 2014 година беше уште еден успех со 370 проекти кои се пријавија за наградата. Победничките проекти ќе бидат објавени непосредно по изборите на 27 мај. За време на EYE2014, победниците на Карло Велики од 2013 година ќе бидат вклучени во два панела за да ги презентираат своите проекти и да учествуваат во дискусијата за тоа како треба да изгледа Европа до 2020 година, додека исто така ќе дебатираат со учесниците за важноста за меѓуграѓански дијалог.

Останаа само две недели пред 5,000 луѓе од цела Европа да се сретнат во Стразбур за EYE2014. Апликациите пристигнуваа од секоја земја-членка на ЕУ, како и од цела Африка, Азија и Америка. Повеќето учесници се од универзитети и младински здруженија. Сепак, околу 20% се под 18 години и пред се од средните училишта.