„По одлуката на Судот на правдата на Европската унија (СПЕУ) и по правна проценка и релевантни консултации, Фронтекс одлучи да ги прекине сите свои оперативни активности на терен во Унгарија“, соопшти агенцијата.
„Фронтекс со нетрпение очекува да ги продолжи своите активности во Унгарија откако одлуката на ССЕУ ќе биде имплементирана во националното законодавство“, се вели во соопштението на агенцијата.
Суспензијата, која веројатно ќе биде на сила се додека Унгарија повторно не ги почитува имиграционите закони на ЕУ, значи дека околу 40 вработени во Фронтекс, вклучително и граничари, ќе се вратат во нивните матични единици, во Унгарија или во други земји на ЕУ.
Судот на правдата на Европската унија на 17 декември соопшти дека Унгарија ги прекршила законите на ЕУ за заштита на ранливите мигранти и бегалци со тоа што им го одзеде правото да аплицираат за азил и присилно да ги депортираат луѓето на српската граница.
Пресудата, со која законски се бара Унгарија да ја смени својата политика или потенцијално да се соочи со парични казни, беше последното одбивање од страна на институциите на ЕУ на антиимиграциските мерки на премиерот Виктор Орбан од миграциската криза во 2015 година.
Судот на ЕУ го отфрли ставот на Унгарија дека миграциската криза, кога милиони луѓе го напуштија Блискиот исток и Северна Африка кон Европа, е оправдување за кршење на правилата на ЕУ во име на јавниот ред и мир.
За време на екот на кризата, Орбан нареди да се запечати јужната граница на Унгарија, блокирајќи траса за стотици илјади мигранти и заробувајќи луѓе во таканаречените транзитни зони на мигранти на нејзините граници до мај оваа година.