Нагорно Карабах: Ерменија и Азербејџан се согласија за прекин на огнот

Ерменија и Азербејџан се договорија за привремен прекин на огнот во конфликтот во спорниот регион Нагорно Карабах.

Рускиот министер за надворешни работи го објави договорот нешто пред 03:00 часот по московско време (полноќ по Гринич), по 10-часовните разговори во рускиот главен град.

Сергеј Лавров рече дека двете земји сега ќе започнат „суштински“ разговори.

Повеќе од 300 луѓе загинаа и илјадници се раселија од последното насилство во долготрајниот конфликт на 27 септември.

Воените дејствија ќе бидат запрени од пладне по локално време (08:00 часот по Гринич) во сабота, за да се овозможи размена на затвореници и враќање на мртвите тела.

Нагорно-Карабах го водат етнички Ерменци, иако официјално е дел од Азербејџан.

Двете поранешни советски републики се обвинуваа едни со други за последното избувнување на насилство - најлошото во последните децении.

Русија има воена база во Ерменија и обајцата се членки на алијансата на Организацијата за договор за колективна безбедност (ОДКБ).

Сепак, Москва има и добри односи со Азербејџан.

Во петокот (9 октомври) ерменското министерство за одбрана соопшти дека борбите продолжиле во текот на денот, и покрај разговорите што се воделе во Москва.

Во четвртокот, Ерменија го обвини Азербејџан за намерно гранатирање на историска катедрала во Нагорно Карабах. Сликите покажаа сериозни штети во катедралата Светиот Спасител во градот Шуша (на ерменски јазик познат како Шуши).

Во исто време, Азербејџан соопшти дека неговиот втор по големина град, Гања и регионот Горанбој биле гранатирани од ерменските сили, а најмалку еден цивил е убиен.

Говорејќи за Би-Би-Си претходно оваа недела, ерменскиот премиер Никол Пашинин предупреди на „геноцид“ во регионот и рече дека тоа е „Ерменија, земја на Ерменците“.

Со судирите е раселена половина од населението во Нагорно Карабах - околу 70,000 луѓе - соопштија официјални лица.

Главниот град во регионот, Степанакерт, претрпе неколкудневно гранатирање со жители кои се засолнија во подрумите и голем дел од градот останаа без струја.

Ерменија и Азербејџан влегоа во војна околу Нагорно Карабах во 1988-94 година, на крајот прогласувајќи прекин на огнот. Сепак, тие никогаш не постигнаа решение во спорот.